СВР Охрид и ОЈО истражуваат фирма на советникот Усеини
СВР Охрид во координација со ОЈО влегле во фирмата „Нефи ИК“, чиј сопственик е советникот во Општина Охрид, Нефи Усеини, дознава „А1он“. Инспектори утринава биле и во дивоизградената бетонска база која е во сопственост на Нефи Усеини, а се наоѓа на стариот пат Охрид-Струга, пишува „А1он“.
Од Обвинителството засега нема потврда за акцијата која била спроведена, а од МВР велат дека се правени проверки, по претходно отворени истраги.
Против Усеини, Обвинителството води и четири други истраги за вербални и физички напади кои советникот ги извршил во минатите неколку месеци. Тој нападна инспектор од Скопје кој правел увид во дивоградбата, па, колега од Советот на Општина Охрид, референт во банка и последно, професорот Илјаз Илјази.
Антикорупциска отвори и предмет за советникот од ДУИ, во Општина Охрид, Нефи Усеини за дивоградбата кај Чинарот. Велат дека предметот се разгледува и дека штом се заврши ќе се даде заклучокот на Општината.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа