Осум конци по тепачката за манекенката Цеце Митева
Македонската манекенка Цеце Митеца закрепнува по тепачката во скопската дикотека Привилиџ.
Таа, како што вели, за да ја одбрани другарка си во тепачка, го извлекла подебелиот крај. Резултатот од тоа се осум конци, патерици и модринки по главата.
- Со уште две другарки седевме во диско, на сепаре. Едната замина на друго сепаре да се поздрави со некого. По некое време другата другарка ми вели, леле, има некоја турканица на сепарето. И, нормално, двете се стрчавме да видиме што се случува. Не можеш да седиш мирен ако другарка ти е во неволја. Се стрчавме накај нив и на еден од нив му реков: „Како не ти е срам да туркаш девојка“, и тој ме нападна. Прво ме бутна накај шанкот, па со шише замавна кон мене, и шишето се скрши од шанкот. Ми пријде, ме фати за коса и ме турна. Паѓајќи, со боса нога згазнав врз скршеното шише. Стаклото ме исече на стапалото до коска. Додека да дојде обезбедувањето, тој ме кубеше за коса, ме удираше, и едвај го тргнаа, раскажува Митева за Вест.
