ЦИА знаела дека Југославија ќе се распадне, а сега предвидува крај на ЕУ
ЦИА и американската невладина организација Стратфор прогнозираат распад на денешната ЕУ на неколку групи - стара Европа, нова Европа, која ќе биде свртена кон САД, и сојуз на православни земји.
Западниот блок и стара Европа ќе го сочинуваат Франција, Германија, Велика Британија, Австрија, Шпанија, Португалија, Италија, Шведска, Норвешка и Финска.
Нова Европа ќе ја сочинуваат Литванија, Естонија, земјите од Вишеградската група, Словенија, а овој блок би се наоѓал под германски економски и американски воен патронат.
Третиот блок би претставувал балканска конфедерација која би ја сочинувале православни држави - Србија, Романија, Бугарија, Македонија и Грција. На овој блок би припаднале и БиХ и Албанија
Многу експерти истакнуваат дека ова предвидување треба да се сфати сериозно и потсетуваат дека ЦИА кон средината на 80-тите години од минатиот век најавила распад на тогашната СФРЈ.
Слични предвидувања изнесува и американската невладина организација Стратфор.
Во оваа невладина организација сметаат дека ЕУ наскоро ќе се распадне на два дела: побогатиот Запад и група од мали земји во Централна Европа, кои воено ќе се завртат кон САД.
И тие предвидуваат создавање на православна унија - Византија. За тој сојуз, како што наведуваат, основата на формирањето ќе бидат - парите.
Геополитичките експерти се согласни дека дошло време на повеќе блоковски системи, со неколку центри на моќ, и дека САД и НАТо повеќе нема да имаат главна улога на светската сцена.
Распадот на ЕУ најмногу ќе им одговара на САД и РУсија, наведуваат некои портали за политичка аналитика.
"Брегзит" и доаѓањето на Доналд Трамп на чело на САД многумина го гледаат како јасно забрзување на предвидениот распад на ЕУ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
