Четврти ден од кампањата, ќе се потпише Декларација за фер избори - еве каде ќе има митинзи
Партиите, коалициите и независните кандидатиденеска низ повеќе градови и населени места ја продолжуваат кампањата за претстојните локални избори на 15 октомври.
Коалицијата „Живот во Македонија“ предводена од СДСМ ќе има средби со граѓани и собири во Центар Жупа, Дебар, Маврово Ростуше Врапчиште и Гостивар.
Карванот на коалицијата „За подобра Македонија“ предводена од ВМРО-ДПМНЕ, ќе биде во Вевчани и Струга.
Демократската унија за интеграција (ДУИ) ќе има предизборни активности во општина Гази Баба.
Претседателите на партиските подмладоци, пак, денеска ќе потпишат Декларација за фер, слободни и демократски избори.
Кампањата за првиот изборен круг почна на 25 септември, а ќе заврши на 13 октомври во 24 часот. Шестите локални избори во Македонија се закажани за 15 октомври, а ќе се спроведуваат на 3.480 избирачки места во 80 општини и во Градот Скопје. Право на глас ќе имаат 1.814.644 граѓани запишани во Избирачкиот список.
Вториот круг од изборите е закажан две недели подоцна, на 29 октомври.
Изборната кампања за вториот круг завршува на 27 октомври во 24 часот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
