Ѓорчев: Итно да се повлечат стратегијата и акцискиот план за бегалци
Претседателот на собраниската Комисија за труд и социјална политика Влатко Ѓорчев на денешната јавна расправа за Предлог нацрт на Стратегија за интеграција на бегалци и странци 2017-2027 година и предлог нацрт на Национален акциски план за интеграција на бегалци 2017-2027 година, истакна дека приоритет за Владата на Зоран Заев треба да бидат граѓаните државјани на Република Македонија, а не странци.
Ѓорчев посочи дека стратегијата и акциоскиот план ќе влијаат на иднината и буџетот на Министерството за труд и социјална политика, Министерството за внатрешни работи, Министерството за одбрана, но и сите други министерства.
Тој потенцираше дека со акцискиот план се предвидува до крајот на годината да започне 71 проект.
-ВМРО-ДПМНЕ од министерката Царовска и премиерот Заев бара итно да ги повлечат стратегијата и акцискиот план, истакна Ѓорчев додавајќи дека Македонија наместо транзитна зона ќе стане земја домаќин на мегалци и странци од многу други земји.
-Приоритет треба да имаат граѓаните и државјаните на Република Македонија, многу луѓе и семејства немаат домување, а повеќе од 217.000 бараат работа, посочи претседателот на собраниската комисија.
Тој појасни дека трајното доселување ќе направи дисторзија на пазарот на труд и многу млади ќе ја напуштат Македонија, и повтори дека граѓаните на Македонија се оние кои за Заев и владата на СДСМ треба да бидат приоритет.
Во однос на акцискиот план, Ѓорчев истакна и дека за некои од точките во истиот не е појаснето колкави средства ќе треба да се одвојат за истите и праша колку финансиски средства владата на СДСМ планира да потроши за овие проекти.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа