Снег во Македонија - еве каде вее во моментов
Крива Паланка утрово осамна со интензивни снежни врнежи кои на повисоките места над 1.000 метри надморска височина направија снежна покривка од околу три сантиметри.
Според раководителот на Подрачна единциа на Дирекцијата за заштита и спасување од Крива Паланка, Зоки Павловски, снегот не се задржува на коловозите во градскиот и приградски реон.
-Нема никакви задржувања на снегот на коловозот, снегот се топи поради позитивните температури на воздухот, а сите патни правци во општината, локални и регионални, се проодни. И магистралниот пат Куманово-Крива Паланка-граничен премин со Р. Бугарија, Деве баир , е прооден. Снег има само на повисоките места каде покривката изнесува од два до три сантиметри, информира Павловски.
Рече дека се во координација со сите сервисни служби за евентуални тековни проблеми, и нагласи дека нема информации ниту за прекини во снабдувањето со електрична енергија во оддалечените села во планинскиот реон.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
