Голем влажен бран: Температурен шок во Македонија среде април
Променливо денеска е облачно со повремени врнежи од дожд. Вечерва повеќе врнежи се очекуваат во источните делови од земјава, повремено поројни. Ќе дува умерен до засилен ветер од јужен и југозападен правец, кој до крајот на денот насекаде ќе се смени во западен и северозападен. Во ноќните часови поради спуштање на студен воздух од север на планините врнежите ќе бидат од снег, но ќе слабеат и престануваат.
И утре не очекува променливо облачно и постудено со сончеви периоди и со локални слаби врнежи од дожд, а на планините ќе провејува снег. Ќе дува засилен ветер од западен и северозападен правец, а најсилен се очекува да биде во југозападните и јужните делови од земјава (на моменти со брзина и над 90 км/час). Минималната температура ќе биде во интервал од 1 до 6, а дневната од 8 до 16 степени.
Во Скопје утре променливо облачно со услови за повремен слаб дожд. Ќе дува засилен северозападен ветер. Температури од 3 до 12 степени.
Во петок ќе биде суво, студено и ветровито, а ветерот ќе биде северозападен и особено изразен вдолж Повардарието. Дневната температура дополнително ќе се намали. Значително ќе опадне и утринската температура, особено за време на викендот кога ќе дојде до разведрување и намалување на брзината на ветерот, па минималната температура на повеќе места ќе биде околу или под нулата. Дневната температура од сабота ќе биде во пораст.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа