Нивото на Охридско Езеро и денеска над дозволениот минимум
Нивото на Охридското Езеро е седум сантиметри над дозволениот минимум, а водостоите на реките се под просекот за март, информира Управата за хидрометеоролошки работи (УХМР).
Според УХМР, водостојот на Вардар е најнизок на мерното место кај Демир Капија и е 68 сантиметри понизок од вообичаениот за март, додека понизок водостој од вообичаениот има и на останатите мерни места на Вардар.
Слична е состојбата и со останатите реки кај кои се мери водостојот, а најголемо отстапување од просекот имаат Црна Река на мерното место Новаци, каде водостојот е понизок за еден метар и три сантиметри и Црни Дрим на мерното место во Ложани со понизок водостојот за 87 сантиметри од вообичаениот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа