Груевски со честититка до новиот претседател на ЕП - верен пријател на Македонија

Претседателот на ВМРО-ДПМНЕ Никола Груевски му го честита изборот за нов претседател на Европскиот Парламент на Италијанецот и големиот пријател на Македонија, Антонио Тајани.

-Ви благодариме што сте догогодишен искрен пријател на Македонија и на проширувањето на Европската Унија во која треба да свое место да има и Македонија. Вашиот избор за претседател на ЕП е голем успех за централно десните партии и Европската Народна Партија која е наш заеднички политички дом. Благодарни сме на вашата поддршка која ни ја дадовте при вашата последна посета на Македонија и на ВМРО-ДПМНЕ, стои во честитката од Груевски до Тајани.

Во честитката претседателот на ВМРО-ДПМНЕ изразува надеж дека ќе продолжи соработката.

-Македонија припаѓа во Европа и Македонија останува на својот пат кон интеграција во Европската Унија, стои во честитката која до Тајани ја испрати Груевски.