Подгответе се уште повеќе снег: Еве каде натрупа најмногу до сега

Најмногу снег во Македонија има во Лазарополе, 71 сантиметар, а најстудено е во Маврово, каде во седум часот изутрина се измерени минус осум степени.  Висината на снежната покривка во Маврово е 64 сантиметри, 41 сантиметар во Пожаране, 29 во Берово, 28 Ѓуруште, 25 во тетово, 22 Крушево, 19 Битола, 18  Струмица,  15 Скопје Петровец, 14 Скопје, 12 Крива Паланка, 11 Тополчани....

Како што информира Управата за хидрометеоролошки работи УХМР, времето во Македонија е облачно со повремени врнежи од снег, само на   пониските места на југоисток,  на југоистокот врнежите се  од дожд и снег.
До крајот на денот ќе биде облачно со повремени врнежи од снег, само на   пониските места на југоисток врнежите ќе бидат од дожд и снег. Ќе дува слаб до умерен ветер од североисточен и источен правец. Температурата ќе достигне од 0 до 6 степени.
Во Скопје, облачно со повремен снег и со слаб ветер од источен правец. Температурата до околу 2 степена.

УХМР најави дека во наредните денови нашето подрачје ќе биде под влијание на серија влажни воздушни бранови од Медитеранот што ќе предизвика претежно облачно и релативно студено време со повремени врнежи од снег, а во  крајните југоисточни делови ќе има врнежи од дожд и снег. Врнежите ќе бидат со  променлив интензитет, и доста изобилни, каде  се очекува да да наврнат над 30 литри на метар квадратен воден талог, особено повеќе ќе  бидат застапени во јужните и југоисточните делови од земјава. Најмногу врнежи се очекуваат в среда и в четврток кога ќе има и значителен пораст на снежната покривка за 20 до 30 сантиметри нов снег. Од петок се очекува извесно стабилизирање на временската состојба.