Поради самоволието на Ременски, дечињата oд Јагуновце останаа без градинка

Поради самоволието на Фросина Ременски од СДСМ, дечињата од Јагуновце не можат да одат во градинка, а нивните родители поминуваат низ големи проблеми зошто нема каде да ги однесат своите дечиња додека се на работа.

Ременски го кочи отворањето на новата градинка и затоа родителите излегоа на мирен протест и побараа од неа да престане да си поигрува.

-За жителите на општина Јагуновце стана вистинска голгота да го добијат тоа што им следи и што им е ветено, детска градинка. Тоа што за цивилизираниот свет е најнормално ние веќе со месеци се справуваме за опструкциите на техничката министерка за труд и социјална политика. Пред 6 месеци реагиравме зошто министерството не испорачува опрема за градинката и со тоа кочеше отворањето. Сега сосема неверојатно повторно проблеми со нашата градинка. Знаеме дека нашата општина одржуваше редовна комуникација со МТСП и направи се што можеше да побрза да ја добиеме градинката. Жителите на Јагуновце бараат одговор кога конечно нивните деца ќе тргнат во градинка. Тој одговор ни го должи Фросина Ременски која доволно си поигруваше со нас. Ја повикуваме да им објасни на граѓаните зошто им се одмаздува цело време и кочи проект тежок 5 милиони денари во интерес на родителите и децата од Јагуновце. Сакаме да го решиме овој проблем иако жителите се гневни и подготвени за протести пред МТСП. Ова е вистинското лице на СДСМ кој кочи проект за нашата иднина, за нашите деца, вели Симона Марковска, мајка на дете кое чека сместување во градинка.

-Моите две ќерки како и многу деца од општина Јагуновце израснаа во старата и руинирана детска градинка. Со години се боревме за изградба на нова градинка и сега кога веќе имаме еден таков објект и кога децата кои учеа во руинирана градинка станаа родители и имаат право да ги користат благодетите на новата градинка, за жал, повторно се јавува некој малоумник кој го узурпира сиот тој простор и нашите права, вели баба на дечиња кои чекаат да се сместат во градинка.

Тие обелоденуваат дека поддршка на денешниот протест требало да им дадат и родителите на децата кои се запишани во другата градинка, но дека тие се соочиле со притисок од страна на МТСП на чело со Ременски.

-Сите родители сакаа да бидат дел од нашиот денешен протест се оневозможени бидејќи се вработени во институции каде челници се лица од СДСМ и им се заканиле со бркање од работа, велат тие.

 
 
12.05.2016 - 14:37

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега