Пандов: Иницијативата на СДСМ за импичмент е неоснована

Иницијативата на СДСМ за утврдување на одговорност за претседателот Ѓорге Иванов, кој вчера прогласи аболиција за сите политичари против кои се води истрага, нема основ, тврди политичкиот аналитичар Александар Пандов.

Пандов во изјава за ТВ Нова потенцира дека лидерот на СДСМ Зоран Заев тоа го прават само за да привлечат внимание.

-СДСМ води инфантилна политика. Јасно им е дека е распуштен Парламентот и нема можност за свикување на седница. Ги повикувам сите слободоумни луѓе и патриоти од името на „Граѓанското здружение за одбрана на Македонија“во 18:30 да излезат на протест за да го искажеме заедно нашиот револт против одлуката за помилување на Зоран Заев и Зоран Верушевски, вели Пандов.

Тој не верува дека би имало ескалација на ситуацијата помеѓу двете групи што протестираат, историјата, додава нè научила дека не треба да се вртиме едни кон други.

-На протестите под капата на СДСМ постојано доаѓаат истите луѓе кои се на платен список на СОРОС, а Владимир Милчин е диригент на нивните протестите. Тие луѓе што протестираа вчера земаат пари за тоа, и станува збор за исти луѓе, изјави Пандов.

Панов тврди дека обидот на странските служби кои сакаат да го повторат сценариото од 2001 година, а тогаш успеале искористувајќи платеници од Косово, овој пат нема да успее.

– Македонците нема да одат против себе. Убеден сум дека кај Македонците има доволно свест за да не дозволат тоа да се случи, вели Пандов.

 
 
13.04.2016 - 17:56

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега