ВОНРЕДНА ПРОГНОЗА: Силен дожд, грмежи, ветер и град - денеска потоп!

Нестабилно облачно време со пороен дожд, грмежи и силен ветер, најавува за денеска попладне Управата за хидрометеоролошки работи. Се очекува локално да наврнат околу 30 литри на метар квадратен воден талог, а ветерот да достигнува брзина над 80 км/час. Ќе има и услови за изолирана појава на град.

Претпладне времето ќе биде со повремени врнежи од дожд и со умерен ветер од југоисточен правец. Температурата ќе се движи од 14 до 19 степени.

Во Скопје нестабилност со пороен дожд, грмежи и засилен ветер се очекува кон крајот на денот.  Температурата ќе достигне до 16 степени.

Утре не очекува посвежо време со врнежи од дожд, особено во западните делови, каде што на планините врнежите ќе поминуваат во снег. Ќе дува умерен северен ветер. Во петок ќе има локален слаб дожд, а во деновите од викендот ќе биде стабилно и суво со благ пораст на дневната температура.

 
 
23.03.2016 - 09:37

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега