Социјалните семејства од Кавадарци ќе бидат ослободени од плаќање вода и комуналии
Социјалните семејства од Кавадарци ќе бидат ослободени од плаќање сметки за вода и комуналии во периодот од една година, од 1 април годинава до 1 април идната година. Ваква одлука донесе денеска Советот на кавадаречката општина на 42 седница.
– Ова ослободување од плаќање на сметки за социјалните случаи ќе биде на товар на Јавното претпријатие „Комуналец” кое има позитивна завршна сметка, рече Зоран Јованчев, претседател на Комисијата за финансии и буџет при Советот на општина Кавадарци.
Целата постапка ќе оди во соработка со Центарот за социјални работи од Кавадарци.
14.03.2016 - 20:29
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
