ФОТО: Груевски на средба со челниците на ИРИ

Претседателот на ВМРО-ДПМНЕ Никола Груевски денес оствари средба со потпретседателот на ИРИ Томас Гарет и регионалниот директор на ИРИ за Европа Јан Сурочак.

На средбата, соопштуваат од владејачката партија, се дискутирало за можните форми на соработка, отвореноста за комуникација и плановите на ИРИ за работа во регионални рамки.

-Претседателот на ВМРО-ДПМНЕ, Груевски ги информираше соговорниците за актуелната општествено-политичка ситуација. Тој ја афирмираше заложбата на ВМРО-ДПМНЕ за организирање на слободни, фер и демократски избори. Груевски ја изрази максималната поддршка која ја дава ВМРО-ДПМНЕ на институциите и одговорните субјекти надлежни за изборите во однос на активностите за нивно организирање, на датумот утврден со изборниот закон кој беше прифатен од парламентарните партии, се вели во соопштението на партијата.

Груевски воедно ја истакнал подготвеноста за соработка со ИРИ во полињата каде постои взаемен интерес.