Пожар во македонска црква во Австралија: Попот скокнал од први спрат

Пожар избувнал денеска во 12:30 часот по австралиско време во црквата „Свети Никола“ во Престон, Мелбурн, во Австралија. Причинета е материјална штета, а повредени нема.

Единствено свештеникот Никодим Солунчев, кој во моментот на пожарот бил на првиот кат, барајќи спас од огнената стихија, скокнал од 3,5 метри во рацете на неколку полицајци кои му помогнале да остане неповреден.

Македонскиот портал во Австралија „Falanga.com.au“ и австралискиот весник „The age“ пишуваат дека полициска патрола прва го забележала пожарот и повикала помош.

Се претпоставува дека причина за пожарот е неисправна електрична инсталација.
Пожарот е изгаснат и според проценките причинета е материјална штета од над 100 илјади долари.

 
 
30.01.2016 - 11:17

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега