Пожар во близина на Охрид - дел од градот без струја
Пожар избувна попладневно на падините на планината Петрино, над населбата Бејбунар во близина на Охрид, а како причина се наведува или човечки фактор или дефект на далноводната мрежа од трафостаница.
Според информациите од Територијалната противпожарна единица од Охрид, пожарот избувнал во 13:45 часот, поради што попладнево се регистрирани прекини во снабдувањето со електрична енергија на делови на градот.
Пожарот зафати околу два хектари површина со ниска вегетација и смреки.
Во гаснењето на пожарот се ангажирани речиси сите човечки и технички ресурси на Противпожарната единица од Охрид, како и на Националниот парк „Галичица“.
Сепак високите температури му помагаат на пожарот да се шири, како и засилениот ветар што попладнево почна на дува во Охрид.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа