Обдукцијата заврши: Убиени лидерите на терористите - командант НАТО и Бегу
По завршената обдукција на телата на починатите терористи, МВР преку одделот за меѓународна полициска соработка – Интерпол ја започна процедурата за утврдување на нивниот идентитет и досега е потврден идентитетот на две од лицата кои се странски државјани.
Ова денес го изјави помошник министерот за односи со јавност во МВР, Иво Котевски.
-Станува збор на Мирсад Ндрецај роден 17.6.1979 во Косово познат како командант НАТО, лице за кое се сомневавме дека е еден од лидерите на терористичката група. Второто лице за кое е добиена потврда за идентитетот е Бег Ризај, познат како командант Бегу роден 25.12.1977 во Косово. Исто така станува збор за еден од лидерите на оваа терористичка група, изјави Котевски.
Тој додаде дека потврден е идентитетот на трето лице, се работи за Нусрет Каљоши кој е македонски државјанин.
Котевски посочува дека преку Интерпол е добиена потврда за идентитетот на едно од приведените лице. Се работи за Саши Укшини алијас командант Соколи. Во тек е процедура на идентификување на останатите лица за кои постојат сомнение дека не се македонски државјани.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа