Собранието прифати повеќе измени на закони во прво читање
Собранието попладнево ги прифати првите читања од предлог законите за изменување и дополнување на законите за библиотеките, музеите, превоз во патниот сообраќај и за Државниот инспекторат за земјоделство и ги даде на натамошна постапка, пренесува МИА.
Со измените и дополнувањата на Законот за Државниот инспекторат за земјоделство, според заменик министерот Ванчо Костадиновски, се предвидува усогласување со законите за инспекциски надзор, за квалитет на земјоделски производи и се уредува решавањето на висината на трошоците и начинот на плаќање на надоместокот на Државниот инспекторат за вршење контрола на квалитет на земјоделски производи, нивни преработки, стоки и услуги при производство, увоз, извоз и внатрешен промет. Се уредува прашањето и односите на контролата на кавлиететот на производите од земјоделско производство на нивни преработки, семето, садниот материјал, ѓубрињата и производи за заштита на растенија, наместо на царински терминали да се врши на местото на истовар, со што се намалува административната постапка и времето.
- Се предвидува издавање уверение за квалитет врз основа на извршена контрола на квалитет и прегледи на пратките од увоз, извоз, производство, откуп, промет на земјоделски производи, семе и саден материјал, цвеќе и декоративни растенија, производи за заштита на растенија, вино и производи од вино и грозје, јаки алкохолни пијалоци, енолошки средства, ѓубриња, тутун и тутунски производи, органски производи, гмо, храна за животни, приплоден добиток, сперма од добиток, јајцеклетки, ембриони како и фитосанитарна контрола на пратки од растенија, растителни производи и други објекти и предмети и производи за заштита на растенијата како и утврдување за исполнување на условите за издавање фитосанитарен сертификат и пасош за растенијата, рече Костадиновски.
Заменик министерот за култура Драган Недељковиќ ги образложи измените и дополнувањата на законите за библиотеките и музеите, кои, како што рече, во најголем дел се технички и се врши усогласување со Законот за заштита на културното наследство.
Со измените на дополнувањата на Законот за превоз во патниот сообраќај, заменик министерот за транспорт и врски Ниметула Хаљими појасни дека се предлага внесување чип картички за возачите во меѓународниот сообраќај за модернизација на сертификатот согласно искуството на европските земји.
- Предвидена е измена на надоместокот за извршената проверка за исполнување на посебните техничко-експлоатациски услови за возилата според класата, односно еуро стандардот, како и востанувње единствен тарифен систем и начинот на продажба на возните билети преку купување електронски карти за сите превозници, истакна Хаљими.
Со работа по 47. седница поратениците ќе продолжат утре.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа