Героски, сопругата Билјана и Кабранов го поддржаа чадорот на невладини на СДСМ
Денеска во јавноста излезе соопштение од Здружението Член 16 како ја поддржува иницијативата и чадорот на невладини организации која се формира во организација на СДСМ.
-Управниот одбор на Здружението на граѓани Член 16 едногласно одлучи оваа невладина и непрофитна организација да пристапи кон коалицијата Граѓаните за Македонија, објави Плусинфо.
Плусинфо е еден од порталите кои стојат зад опозиционата СДСМ. Зад порталот на Бранко Героски, кој ја поддржува опозицијата во суштина стои Здружението на граѓани за одбрана на слободата на говорот и на јавното изразување член 16, каде како основач се јавува и неговата сопруга Билјана, пишува Курир.
И раководителот на порталот Либертас, Ацо Кабранов, е заеднички основач со Героски на Здружението на граѓани, кое во Марнет го регистрирало порталот Плусинфо. Основачи на Здружението се брачниот пар Героски, Бранислав и Билјана, Кабранов, заедно со уште седум други лица.
Од завршните сметки се гледа дека Здружението член 16 на Кабранов и Геровски не е обично здружение, туку тоа за изминатата фискална 2012 година само по основ на донации има добиено повеќе од половина милион денари односно поточно 594.225 илјади денари и остварено приход 4, 144.472 денари, што е позавидна сума за едно обично здружение на граѓани.
Во 2013 година Плусинфо од СОРОС добил 47.702 евра.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа