Хан со јасна порака: Опозицијата да се врати во парламентот
Ситуацијата во Македонија е многу сериозна и членови на Европскиот парламент веќе разговараат со спротивставените страни и се обидуваат да најдат решени, изјави синоќа во Белград еврокомесарот за проширување и соседска политика Јоханес Хан.
На прес-конференцијата по средбата со српскиот премиер Александар Вучиќ, Хан истакнал дека во наредниот период ќе биде клучно да се утврди кривична, но политичка одговорност за случувањата во Македонија, пренесува Танјуг.
- Тоа е политички скандал, и потребно е опозицијата да се врати во парламентот, а истовремено да се формира истражен комитет кој ќе се занимава со политичката одговорност на целото прашање, истакнал Хан.
Според него, независно од политичарите и политичкиот систем, правосудството мора да го проследи овој случај и да се погрижи за неговите кривични аспекти.
- Ние како Европска комисија понудивме да дадеме поддршка, да ги обезбедиме неопходните експерти кои можат да гарантираат независност на истрагата, а на одговорните во земјата е да се позанимаваат со тоа. Тоа, исто така, ќе биде показател за европската перспектива на земјата, изјавил Јоханес Хан.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа