Интензивен снег во Македонија - еве каде вее најмногу во моментов
Поради интензивни врнежи од снег на патниот правец крак Маврово – Дебар е воведена забрана за сообраќај за тешки товарни возила, информираат од Авто-мото сојузот на Македонија.
Според информациите кои АМСМ ги добил од ЈП „Македонија пат“, сообраќајот на сите останати државни патишта се одвива без забрани, по влажни коловози и остатоци од кашест снег на повисоките места. Врнежи од снег се бележат на П.Шапка, Стража, Маврово, Буково, Ѓавато и Пресека. Во Крушево врнежите се од дожд и снег.
АМСМ препорачува внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево, Виница – Берово каде е можна почеста појава на одрони.
Снежни врнежи се регистрирани на Маврово, Попова Шапка, Кожуф, Ѓуриште и во делови на Полошката котлина
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
