Утрово температура под нула во цела Македонија
Најниска температура во државава во седум часот изутринава е измерена во Маврово, - 14 степени, во Берово и Лазарополе - 12, а во Крушево и во Крива Паланка - 10. Минус осум степени се регистрирани во Битола и Пожаране, - 7 во Скопје Петровец, Прилеп, Виница, Охрид, Претор, Тетово, - 6 во Демир Капија, Штип, Дебар, - 5 Скопје, Куманово, Кавадарци и Струмица, - 2 во Дојран и -1 во Гевгелија.
Највисока снежна покривка од 49 сантиметри има на Маврови Анови, 33 во Лазарополе, а 18 во Крушево.
Времето денеска ќе биде сончево со локална облачност во попладневвните часови и со слаб до умерен северен ветер. Максималната температура ќе биде во интервал од 4 до 11 степени.
Во Скопје сончево со локална облачност во попладневните часови и со слаб до умерен северен ветер. Дневната температура до 9 степени. И за утре УХМР најавува претежно сончево време со слаб ветер од северен правец. Утринските температури и понатаму ќе се негативни, а дневната температура ќе биде во благ пораст. Во сабота ќе се зголеми облачноста, но наутро се уште ќе биде студено. Во недела ќе биде облачно со врнежи од дожд, а на планините од снег. нрнежите ќе бидат повремени и преку ноќта кон понеделник. Нов влажен бран со нови врнежи од дожд се очекува во среда.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа