Уживајте во утрешниот сончев ден

Времето утре во Македонија ќе биде сончево со мала до умерена облачност. Доцна попладне повторно ќе настапи зголемување на облачноста кое во ноќните часови ќе услови врнежи од дожд и снег. Преку ден ќе дува слаб, а во југозападните делови умерен северозападен ветер.

Утринската температура ќе се движи од минус пет до два, а дневната од три до 11 степени.

Во Скопје времето ќе биде сончево со умерена облачност и со слаб до умерен ветер од северен правец.

Утринската температура ќе се спушти до минус еден, а дневната ќе се искачи до седум степени.

Потоа следува период на променливо облачно време со повремени врнежи од дожд и снег со слаб до умерен интензитет. Ќе дува слаб, а од среда повремено и засилен ветер од јужен правец. Нов поинтензивен влажен бран со врнежи од дожд се очекува во текот на ноќта во четврток кон петок и во петок претпладне.