Препораки за можните болести по поплавите - Јанакиески, Тодоров и Спасов на терен

Кризниот штаб денес одржа состанок во општина Чешиново-Облешево кој го водеа министерот за транспорт и врски Миле Јанакиески, министерот за здравство Никола Тодоров и министерот за труд и социјална политика Диме Спасов.

На состанокот на Кризниот штаб присуствуваа и професори, доктори-епидемиолози и специјалисти по хигиена од Институтот за јавно здравје и Секторот за превентивна здравствена заштита при Министерството, како и претставници од Канцеларијата на Светската здравствена организација во Скопје, а цел на состанокот е да се изврши проценка на здравствениот ризик по настанатите поплави и да се потсети на препораките за спречување на можна појава на заразни болести, како и препораките за користење вода за пиење во поплавените подрачја.