Али Ахмети пуштен од болница по страотната сообраќајка

Претседателот на ДУИ, Али Ахмети кој беше повреден во сообраќајната несреќа што се случи пред два дена кај Тетово, е пуштен на домашно лекување. Директорот на тетовскиот Клинички центар, Флорим Бесими, денеска за Утрински потврди дека Ахмети заминал за Зајас.

Во меѓувреме, се собираат информации и докази околу причините за несреќата која се случи кај наплатната рампа пред Тетово на автопатот Гостивар - Скопје. Сообраќајната несреќа се случи во средата околу 9.30 часот кога автомобилот со двајцата патници удрил со голема брзина во бетонски столб, по што се запалил.