Иванов за Водици во Тетово и во Гостивар
Претседателот Ѓорге Иванов денеска ќе присуствува на одбележување на големиот христијански празник Богојавление - Водици во Тетово и во Гостивар.
Во Тетово претседателот Иванов ќе присуствува на богослужбата во Соборниот храм „Свети Кирил и Методиј“, со која ќе чиноначалствува митрополитот тетовско-гостиварски г. Јосиф и на церемонијата на положување на светиот крст.
Во Гостивар во Соборниот храм „Успение на Пресвета Богородица“, македонскиот претседател ќе се приклучи кон литијата која тргнува од Соборниот храм и се упатува кон мостот на реката Вардар за присуство на чинот на положување на светиот крст.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа