„Нека овој празник биде поттик за сите нас" - честитка од ВМРО - ДПМНЕ за католичкиот Божиќ
ВМРО-ДПМНЕ на сите верници од католичка вероисповед во Република Македонија им го честита празникот Рожденство Христово - Божиќ.
- На граѓаните од католичка вероисповед, кои овој голем христијански празник го слават според Грегоријанскиот календар, им посакуваме да го поминат во пријатни мигови со своите најблиски, во семејна среќа, бериќет и благосостојба, стои во честитката.
На овој е семеен празник, како што е наведено, се празнува раѓањето на Исус Христос, но и универзалните вредностите кои сите нас не врзуваат, соживотот, толеранцијата, милосрдието и взаемното разбирање. Тие се клучот на успехот и напредокот.
- Нека овој празник биде поттик секој од нас да верува, да работи и да ја гради подобрата иднина за себе, за своите најблиски, за своите сограѓани, стои во партиската честитка.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
