Штипскиот буџет за наредната година зголемен за 32 отсто
Нови патишта и улици во руралните средини, но и реконструкција на трите приоритени улици, се дел од развојната компонента на штипскиот буџет, кој заедно со блок дотациите ќе тежи 906 милиони денари, а основниот буџет ќе изнесува 494 милиони денари, пренесува МИА.
Трајче Цветков од Одделението за финансии вели дека годинава основниот буџет на градот е зголемен за околу 32 проценти за разлика од годинашниов. За наредната година преку средства од Владата и ресорните агенции се очекува во буџетот да влезат околу 70 милиони денари за изградба на патишта и улици во селата.
- Тука се и Програмите за развој на Општина Штип кои се во висина од 38 милиони денари, а со кои се опафатени улиците „Вардарска“, „Вита Поп Јорданова“ и „Христијан Карпош“. Во овој дел на инвестициите се секако и средства предвидени и шест милиони денари за водовод и шест милиони за канализациони мрежи и за веќе постоечката обврска за реконструкција на уличното осветлување кое што го имавме во претходните години, рече Цветков.
Тој додава дека во буџетот за 2015 година планирани се и средства за отплата на заемите кои ги има општината.
Во штипскиот буџет нема зголемување во ставката за плати и за нови вработувања, а како што вели Цветков, кога се планира мора да се оставаат и резерви. Донациите годинава бележат намалување од цели 60 проценти, бидејќи општината веќе го реализираше едниот проект преку фондовите од Европската унија.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа