Студентите ќе даваат предлози и идеи за концептот државен испит
Министерството за образование и наука и Владата на Република Македонија изминативе неколку денови транспарентно и експлицитно ги појаснија поголем број од деталите и недоразбирањата кои се појавија околу јавно изнесената идеја за имплементација на државниот испит.
Заменик-министерот за образование и наука, Спиро Ристовски истакна дека МОН по добивање на “зелено светло“ од Владата, ќе го достави првиот предлог-нацрт текст на овие закони.
-Истите тие закони ќе бидат понудени на една комплексна јавна расправа во која ќе бидат вклучени сите заинтересирани субјекти- студенти, универзитети и други кои ќе пријават интерес. Конечно, финалното решение и финалниот текст на законот ќе биде подготвен по завршување на таа јавна расправа, рече Ристовски и додаде дека во ниту еден момент нема да утврдат текст на закон кој нема да биде на јавна расправа, а истиот ни најмалку нема да задира во автономијата на Универзитетите.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа