Плазма телевизорите се забрануваат

Целта е телевизорите со големи екрани во иднина да бидат енергетски поштедливи.

 Најновите законски предлози на Европската комисија, предвидуваат производителите да бидат обврзани да прават телевизори кои ќе трошат помалку електрична енергија од сегашните. Се очекува новите стандарди за телевизорите да влезат во сила најрано во јуни 2016 година, а регулативата ќе важи и за мониторите за компјутери.

Предлогот е дел од спроведувањето на стратегија, преку која Kомисијата има цел да ги намали сметките за струја на потрошувачите во земјите од Европската Унија за 8 милијарди евра на годишно ниво, јавуваат агенциите.

Неодамна стапи во сила слична директива за заштеда на енергија, со што се ограничи моќноста на правосмукалките. Оваа мерка предизвикаа бран критики во медиумите во целата Унија.

Обидот, како што сметаат некои, е  да се ограничи потрошувачката на електрична енергија на телевизорите е експеримент, која ќе претходи на стапувањето во сила на оваа директива, со која ќе се ограничи потрошувачката на струја за разни мали апарати за домаќинство, како чајници, тостери и фенови.

Потрошувачката на телевизиските приемници изнесува околу 10 отсто од целокупното домашно трошење на електрична енергија, покажува статистиката. Процентот се зголемува во текот на последната деценија поради пазарните трендови да се произведуваат се повеќе телевизори со големи екрани и со повеќе функции, како интернет-конекција.

Според анкетите, телевизорите во Европа трошат толку енергија колку што е вкупната потрошувачка на електрична енергија на Шведска и Португалија.