Едно на секои 30 деца во САД е бездомник
Бројот на деца бездомници во САД е на највисоко ниво во изминатите години и според извештајот на Националниот центар за бездомни лица едно на секои 30 деца е бездомник.
Причината според Институтот се високото ниво на сиромаштија во САД, недостиот од домови и широко распространетото домашно насилство.
Во извештајот се вели дека во САД во 2013 година имало 2,5 милиони деца кои се бездомници. Проблемот е особено тежок во државата Калифорнија, каде живеат осмина од американското население и над една петтина од бездомните деца - 527.000.
Од 2012 до 2013 година бројот на бездоми деца во САД е зголемен за осум отсто и се предупредува дека тоа може да се одрази погубно за образованието, емоционалниот и социјален развој на децата, како и врз здравјето, шансите за пронаоѓање работа...
Во извештајот се вели дека за да нема бездомни деца неопходно е да се обезбедат повеќе достапни домови, можности за образование и работа за бездомни родители, како и посебна грижа за мајки што останале без дом како резултат на домашно насилство
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
