Се менува времето: Од утре пролетни температури и сонце низ Македонија
Времето утре претпладне во Македонија ќе биде променливо облачно, а попладне со повеќе сончеви периоди особено во западните делови од земјата. Ќе дува слаб до умерен претежно североисточен ветер.
Утринската температура ќе се движи од девет до 14, а дневната од 18 до 23 степени.
Во Скопје слично време, претпладне променливо облачно, а попладне со повеќе сончеви периоди. Ќе дува слаб до умерен ветер претежно од североисточен правец. Утринската температура ќе се спушти до 13, а дневната ќе достигне до 22 степени.
Од утре следува период на стабилно, суво и релативно топло време. Во одделни котлини ќе има појава на слаба утринска магла.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа