Еве колку чинеше венчавката на Амал и Џорџ Клуни
Во цената на венчавката вклучена е и цената на водените такси, забавата покрај базенот и хотелските соби со пет ѕвезди.
Четиридневната венчавка на Џорџ Клуни и Амал Аламудин во Венеција, која вклучуваше и раскошни коктел забави, вечери во хотелите со пет ѕвезди и раскошен прием пред самото веначвање, чинеше околу десет милиони евра.
Повеќе од 100 гости, меѓу кои и холивудските ѕвезди како што се Мет Дејмон, Сандра Булок и Синди Крафорд, во Венеција уживаа во луксузот што за нив беше подготвен.
Фустанот на невестата го дизајнираше познатиот креатор, Оскар де ла Рента.
Во цената на венчавката се вклучени и водени такси кои гостите ги превезуваа до разни локации и до хотелот, каде беа сместени.
Клуни во Венеција со авион пренесе сандаци од сопствената текила, а гостите добија Ајподови со омилените песни на младенците.
Меѓутоа, не е познато кој на крајот ја плати сметката.
Италијанските медиуми шпекулираат дека целата церемонија ја платил таткото на невестата. Рамзи Аламудин, пензиониран професор од Американсиот универзитет во Бејрут.
Но, сосема е сигурно дека неговиот зет, еден од најплатените актери во светот, покрил одреден дел од трошоците.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа