Премиерот Груевски го честита Денот на Бошњаците
Премиерот Никола Груевски денеска упати честитка до припадниците на Бошњачката заедница во Република Македонија по повод Меѓународниот ден на Бошњаците.
- Од име на Владата на Република Македонија, како и од мое лично име, дозволете ми да ви пренесам искрени честитки и желби за мир, благосостојба и просперитет на вас и вашите најблиски по повод 28 септември, Меѓународниот ден на Бошњаците, се вели во честитката.
Континуитетот на одбележување на ваквите празници, како што е наведено, уште еднаш ја потврдува природата на нашето општество како култура на толерантни, инклузивни и добронамерни луѓе, кои на верската и етничката разноликост гледаат како на придобивка и вредност, како и можност за зближување на граѓаните и единство.
- Силно почитувајќи ја вашата посебност и идентитет, дозволете ми да ве поздравам и да ви посакам радосни празнични денови. Меѓусебното почитување и вредностите што ги негуваме претставуваат одлична основа за заеднички ангажман на сите човечки ресурси со кои располага нашата држава. Успехот на поединецот е успех и на државата, а заедничките успеси гарантираат континуиран развој, стабилна, напредна и просперитетна Република Македонија, како наш заеднички дом, како дом на нашите деца и на сите идни генерации, стои во четситката од претседателот на Владата.
Владата останува посветена на развојот кој треба да донесе заеднички успех и напредок на сите граѓани.
- Единството е тоа кое создава услови тој напредок да е реален и остварлив, а припадниците на бошњачката етничка заедница подеднакво придонесуваат и се составен дел од тие заеднички напори, вели Груевски во честитката до Бошњачката етничка заедница.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа