Полска организира воена вежба со 12.500 војници
Голема воена вежба почнува утре во Полска со учество на вкупно 12.500 војници, од кои 750 војници се од осум други земји-членки на НАТО, соопшти полското Министерство за одбрана.
Воената вежба, што се организира од 2006 година на секои две години под име „Анаконда“ е дел од воените вежби на Алијансата.
Освен војници од Полска, оваа година ќе учествуваат војници од Естонија, од Литванија, од Холандија, од Чешка, од Унгарија, од Канада, од САД и од Велика Британија.
Воената вежбата ќе се одржи во северна Полска и ќе трае до 3. октомври, а главната цел е подготовка на распоредување во случај на неопходност на силите за брзо реагирање на НАТО.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
