ВИДЕО: По говорот во ОН Ема Вотсон доби закани за објавување на голи фотографии

Актерката Ема Вотсон, која од неодамна е амбасадорка на добра волја, оддржа говор во ОН за рамноправноста на половите, што беше одлично прифатен од мнозинството корисници на социјалните мрежи, но има и такви на кои обраќањето им пречеше.

Имено, на 4Chan се појави закана од некои, кои говорот го разбрале погрешно.

- Држи глупави феминистички говори во ОН и затоа сега нејзините голи фотографии ќе завршат на интернет, напиша непознат хакер, а на страницата Emmayouarenext.com започна одбројување до наводното објавување на фотографиите.

Дали се работи за сериозни закани или само привлакување внимание, се уште не е познато. Но, имајќи ги предвид бројните хакерски напади овој месец врз компјутерите на славните личности, можно е некој навистина да дошол до разголени фотографии на Вотсон.

Во секој случај, би било мудро овој интерес за голите фотографии на Ема да се искористи за промоција на нејзиниот одличен говор пред ОН.