Турски бизнисмени заинтересирани за инвестирање во Прилеп
Делегација од 27 успешни стопанственици од Стопанската комора од Измир, Турција денеска ја посетија општина Прилеп и остварија средба со градоначалникот Марјан Ристески.
Успешните турските бизнисмени беа од различни сектори, а можности за соработка се понудија во градежната, текстилната, прехрамбената индустрија, како и во производството на медицинска опрема и изнајмувањето на магцински простори.
Градоначалникот Ристески изрази задоволство пред се од интересот на стопанствениците од Измир за посетата и желбата за соработка со прилепските компании нагласувајќи дека дел од тие компании веќе успешно соработуваат со многу турски фирми, но дека и понатаму потенцијали за соработка има многу и затоа потребни се поблиски и директни контакти за реализирање на бизнисот меѓу двете земји.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
