Жељко Јоксимовиќ нема веќе да биде судија на Икс-Фактор
Втората сезона на „Икс-фактор“ стартува во март в година, но во улога на жири и ментор со сигурност нема да го гледаме Жељко Јоксимовиќ. Популарниот српски музичар на новите натпреварувачи и членови на жирито им поска многу среќа, пишува српски „Пулс“.
-Хонорарот и темпото на исплаќање на истиот спаѓаат во домен на деловна тајна. Верувам дека и другата договорна страна ќе се придржува кон тоа, како што јас професионално ја извршив својата работа. На учесниците, потенцијалното жири во наредната сезона им посакувам многу среќа и успех - изјави Јоксимовиќ.
Учесниците се незадоволни бидејќи не се исполнети многу ветувања. Единствено победникот Даниел Кајмакоски успеа да најде издавач, во меѓувреме се распаднаа „Доктори“, а Лукијан Ивановиќ и Алекса Перовиќ се уште чекаат нови песни– вели извор близок на продукцијата. Дел од сознанијата се потврдени од Кики Лесендриќ и Кристина Ковач, но сметаат дека е премногу рано да се зборува за учеството во новата сезона, додека Емина Јаховиќ, бидејќи моментално е на одмор се уште не се изјаснила за новонастанатата ситуација.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа