Русија ги врати италијанските тенкови
Руското Министерство за одбрана, по изведените тестирања во Подмосковието, и врати на Италија два тенка „Центауро“ (Centauro), пренесе ИТАР-ТАСС, цитирајќи го заменик министерот за одбрана Јуриј Борисов.
- Ги враќаме машините, нема да ја купуваме оваа техника, рече тој, без да ги објасни причините за ваквата одлука.
Тенковите „Центауро“ имаат маса од 25 тона и се снабдени со 105-милиметарско оружје. Тие можат да развијат брзина до 100 километри на час и имаат екипаж од четири лица.
Експертите ја забележуваат нивната висока маневерска способност и добрата управливост, меѓутоа, нивниот оклоп ги заштитува само од голем калибарски митралески оган.
Италијанските тенкови „Центауро“ беа употребувани во Југославија, Сомалија и Ирак. За нивното учество во миротворните операции на Балканот тие беа зацврстени со дополнителна блиндирана заштита.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
