Николоски: Веќе се договорени три странски инвестиции
Мојата порака е јасна и едноставна, а тоа е дека владата мора да помогне на стопанството, кое за жал во моментот не го прави. Недозволиво е Еленица на Заеви да добива државна помош во услови кога прави милионски профити секоја година, а фирми кои што вработуваат илјадници луѓе да размислуваат дали да ги задржат или да не ги задржат. За три години оваа власт на СДСМ не донесе ниту една странска инвестиција, а ниту ги помагаат домашните, има потенцијал да затвораат и постојни инвестиции, рече Александар Николоски, носител на листата на ВМРО-ДПМНЕ во ИЕ4.
„Видов дека Зоран Заев пробувал да го спинува и да го врти тоа, но многу е едноставно - Заев немал намера да носи странски инвестиции во Македонија затоа што видовме дека не носи. Исто така овие три години странските инвестиции се напаѓани, имаше разни прилози и од СДСМ и од блиски на СДСМ како се условите лоши за работа, како се даваат ниски плати... Мислам дека е тоа не е фер однос кон странските инвеститори, тие треба да се помагаат. Она што можам да го кажам е дека после победата на 15-ти јули на ВМРО-ДПМНЕ ние ќе ги помагаме и странските и домашните инвеститори за да се створи еден втор инвестициски циклус. Веќе имаме договорено три странски инвестиции кои што ќе дојдат во Македонија“, рече Николоски.
Тој истакна дека е потребен и силен удар на зелената мафија.
„Таа зелена мафија опстојува 30 години во Република Македонија и мора да се удри директно во чело и да се стави крај на истата. Затоа што не може грозјето да е 12 денари килограм секоја година, а цените секоја година да растат или не може краставиците да се 5 денари килограм, за 100 евра да заработите треба 1.000 килограми да ги одгледувате, и да не ги бројам сите останати производи кои се произведуваат. Во делот на националното достоинство, апсолутно ставање на крај на овие понижувачки политики на Македонија и бришење на сѐ што е македонско, преговори за историјата нема, преговори за Гоце Делчев нема, преговори за македонскиот јазик нема“, истакна Николоски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа