Не добил британска виза поради тоа што немал раце

Четириесет и четири годишниот казахстански уметник Карибек Кујуков, кој е роден без двете раце, не добил британска виза затоа што не можел да даде отпечатоци од прстите.

Лондонските медиуми пишуваат дека тој требало да присуствува на една антинуклеарна конференција во Единбург, но го откажал присуствто кога од Британскиот конзулат во Истанбул добил писмо во кое е информиран дека неможе да му дозволат влез во Велика Британија. Обрзложението било дека во апликацијата нема биометриски податоци од рацете на Кујуков.

- Јас сум инвалид откако сум роден и во пријавата за барање виза напишав дека немам две раце, а дека сликам држејќи ја четкичката во уста или меѓу палците на нозете„ вели револтираниот казахстански уметник кој со своите слики веке 20 години води кампања за нуклеарно разоружување.

Кујуков е роден во реонот на Семипалитинск, каде во времето на поранешниот Советски Сојуз се наоѓаше главниот полигон за изведување на нуклерни проби. Многу деца од тој дел на Казахстан се родени инвалидизирани, во времето кога таму се изведувани пробите за советското нуклеарно оружје.

Претставник на британскиот Хоум Офис изјави денеска во Лондон дека сликарот Кујуков не е одбиен за барањето виза, туку дека она што се случило е само „грешка во комуникацијата“.

Казакстанецот одби одново да пополнува апликација за британска виза. 

најчитано сега