Напаѓачите на полицаецот Филиповски доживеале сообраќајна несреќа по инцидентот

По инцидентот во дискотека во село Марино, каде беше избоден 27-годишниот полициски службеник Филип Филиповски, неговите напаѓачи доживеале сообраќајна несреќа, потврдуваат од МВР за „Фокус“.

Од таму додаваат дека сообраќајката поминала без потешки повреди и само е причинета материјална штета.

За нападот се осомничени браќања Александар и Јордан Цветковски, синови на поранешниот градоначалник на Петровец, Звонко Цветковски, кој истовремено е и советник во МВР.

Браќата Цветковски по инцидентот беа приведени, но притвор не им беше одреден.

Таткото на Филип, Гоце Филиповски, тврди дека ножот со кој бил извршен нападот се уште не е пронајден. Повредениот Филип е се уште хоспитализиран на скопските клиники. Извршена му е операцијата на бубрегот и извадена му е слезината. Од КАРИЛ велат дека неговата здравствена состојба е стабилна

 

 

 

Добивајте вести на Viber

25.03.2019 - 22:20

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега