Над 250.000 лица во САД починаа од ковид-19

Во Соединетите Американски Држави од последиците на коронавирусот досега починаа повеќе од 250.000 луѓе, соопшти денеска американскиот Центар за контрола и превенција на болести (ЦДЦ).

Во однос на претходниот пресек, регистрирани се нови 1.989 починати од последиците на ковид-19 и вкупниот број на смртни случаи сега изнесува 250.005.

Забележани се нови 165.282 случаи на коронавирус, па вкупно досега во САД се регистрирани 12.498.734 заразени.