Началникот на ГШ на Бугарската армија, Боцев на средби со Шекеринска и Ѓурчиновски

Началникот на генералштабот на Вооружените сили (ВС) на Република Бугарија генерал Андреј Боцев, во рамки на тридневната официјална посета на Македонија денесka престојуваше во Mинистерството за одбрана и Генералштабот на Армијата.

По пречекот со високи воени почести, генералот Боцев оствари средба со својот домаќин, началникот на генералштабот, генерал-потполковник Васко Ѓурчиновски, по што се сретна и со заменичката на претседателот на Владата и министерка за одбрана Радмила Шекеринска.

Во разговорите со министерката Шекеринска стана збор за продлабочување на соработката во обуката на медицински сили, логистика, комуникација, односи со јавност и обука на пилоти.

Заблагодарувајќи се за брзата ратификација на Пристапниот протокол за прием на нашата земја во НАТО, министерката Шекеринска се осврна на успешно реализираната вежба „Одлучен удар“ во која учествуваше и Република Бугарија и рече дека таквите вежби ја зајакнуваат интероперабилноста меѓу армиите и се одличен пример за регионална и меѓудржавна соработка.

Генералите Ѓурчиновски и Боцев за време на средбата разговараа за меѓусебната воена соработка која е во постојан подем, особено во изведување во заедничка обука помеѓу единиците на воена полиција и специјалните единици и заедничко учество на вежби.

Генералот Ѓурчиновски искажа благодарност за поддршката во поглед на нашиот интегративни процес за полноправно членство во НАТО и можноста за школување на нашите старешини во највисоките воени образовни институции во Република Бугарија, кое заедно со соработката во заедничката обука и вежби претставува добра основа за надградување и унапредување на билатералната соработка.

Од страна на генералот Боцев, беше истакнато дека соработката помеѓу двете армии и во наредниот период ќе се интензивира со поголем број на вежбовни активности, пренесување на искуствата од НАТО интеграцијата, како и во делот на воено-техничката соработка.

За време на состанокот, делегацијата од ВС на Република Бугарија се запозна со процесот на трансформацијата на Армијата, Учеството во мировните операции и придонесот во справување со мигрантската криза, користење на капацитетите на АП Криволак за вежбовни активности, а се разговараше и за можностите и облиците на понатамошната воена соработка помеѓу двете армии.

НГШ на ВС на ВС на Република Бугарија, за време на посетата, ќе оствари средба со Претседателот на Република Северна Македонија, Стево Пендаровски, а ќе ги посети, полкот за специјални операции и воено медицинскиот центар каде ќе се запознае со нивната мисијата и задачи.

Високата воена делегација за време на тридневниот престој ќе има можност да посети и дел од културно-историските споменици во Република Северна Македонија, а во недела ќе присуствува на централната свеченост по повод одбележување на денот на армијата во центарот за обука на вода во Охрид.

Соработката на Армијата на Македонија со ВС на Република Бугарија во тековната година има преку триесетина заеднички воени активности од кои дел се во нашата република а дел во Република Бугарија.

 

 

 

Добивајте вести на Viber

18.08.2019 - 10:08

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега