На Путин му е доста од лажните податоци: Рускиот претседател напиша статија за Втората светска војна и ја откри вистината

Рускиот претседател Владимир Путин веќе напиша статија за Втората светска војна користејќи државни архиви, рече Дмитриј Песков.

„Да, претседателот веќе ја напиша статијата“, рече Песков за руската новинска агенција ТАСС, додавајќи дека претседателот додатно ќе одлучи кога ќе се објави статијата.

„Ја чекаме одлуката на Путин кога ќе се објави статијата“, рече Песков на прашањето дали статијата може да биде објавена пред Парадата на победата, што ќе се одржи на 24 јуни годинава.

Песков претходно изјави за ТАСС дека претседателот планирал да напише статија за настаните поврзани со Втората светска војна, но дека нејзиното објавување ќе зависи од тоа кога ќе се организира клучното славење на 75-годишнината од победата над нацизмот.

Рускиот лидер ги откри своите планови да напише статија за војната и настаните што и претходеа на Втората светска војна, за време на годишната прес-конференција во декември 2019 година. Тој рече дека статијата ќе се заснова на архивски материјал. Претседателот ги спомена овие настани, вклучително и т.н. Минхенско предавство или Минхенскиот договор и улогата на одредени европски земји, особено Полска. Путин во повеќе наврати ја истакна неприфатливоста за фалсификување на историјата на Втората светска војна.

Парадата на победата на црвениот плоштад во Москва требаше да се одржи на 9 мај, но истата беше одложена поради пандемијата на коронавирус. На 26 мај рускиот претседател Владимир Путин објави дека парадата сепак ќе се одржи на 24 јуни, ден кога се одржа првата Парада на Победа во Москва пред 75 години.

 

 

 

Добивајте вести на Viber

16.06.2020 - 10:03

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега