МЗШВ: Рекламниот банер во Берлин со „северномакедонска“ е заменет со нов- се работи за техничка грешка

Министерството за земјоделство, шумарство и водостопанство (МЗШВ) денеска соопшти дека е поправена техничката грешка со рекламниот банер поставен на македонскиот штанд на саемот за храна и земјоделство „Зелена недела“ во Берлин. Веднаш по реакцијата од страна на МЗШВ до организаторот на саемот, направен е нов рекламен банер кој веќе е поставен на македонскиот штанд.

Според Министерството, првичниот банер беше предлог на компанијата „Кадино“, која дизајнот го има препратено до органозаторот на саемот. Притоа, направена е техничка грешка при преводот, за што МЗШВ веднаш реагираше и во најбрз рок се подготви нов рекламен банер.

-Веќе се работи на покренување постапка за утврдување одговорност кај лицата од Министерството вклучени и задолжени во организацијата на саемот. Инаку, кактеристично за овој саем е што земјите се претставуваат со нивни традиционални производи. За нас, еден од тие производи е бурекот и затоа решивме годинава да се стави фокус на овој традиционален производ. Денеска македонкиот штанд го посети светски познатиот критичар за храна, Дирк Хофман, кој го оцени македонскиот бурек како еден од највкусните и најуникатните традиционални производи, наведува МЗШВ.

Македонскиот штанд, додава, е еден од најпосетените на саемот. Дневно се поделени над 300 пити бурек и останати пецива. Темите варираат секоја година, во зависност од тоа кој ќе пројави интерес да соработува со МЗШВ.

Потсетуваме дека на рекламниот банер пишувало „северномакедонски“ кујна.

Граѓани кои го посетија саемот реагираа на социјалните мрежи, придавката „северномакедонски“ бурек од Кадино, единствениот репрезент на Македонија на големиот саем за храна во Германија, каде што е претставена храна и прехрамбена индустрија од целиот свет.

 

 

 

Добивајте вести на Viber

22.01.2020 - 13:18

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега