МВР со детали за сообраќајката во која загина поранешниот пратеник и директор на Идризово, Живко Пејковски
На 61-годишна возраст, вчера во сообраќајна незгода загина Живко Пејковски, поранешен пратеник од редовите на ВМРО-ДПМНЕ и поранешен директор на затворот „Идризово“.
МВР излезе со детали за сообраќајката.
Вчера во 13.10 часот во СВР Битола било пријавено дека на регионалниот пат Р-1305 на место викано Чагор се случила сообраќајна несреќа помеѓу патничко возило „Фиат“ со битолски регистарски ознаки, управувано од Г.С.(34) и патничко возило „Цитроен“ со скопски регистарски ознаки, управувано од Ж.П.(61), а во сопственост на Агенцијата за храна и ветеринарство, инаку и двајцата од Демир Хисар.
Во несреќата на местото на настанот починал Ж.П., а лекар од Итната медицинска помош од Демир Хисар констатирал смрт. По наредба на јавен обвинител телото на починатиот било предадено на обдукција.
Извршен бил увид од увидна екипа од СВР Битола.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
