Муса треба да даде исказ во ОЈО Струга по скандалот

Основното јавно обвинителство Струга оформи предмет во врска со објавената снимка со заменик министерот за здравство Асим Муса и постапува во насока на утврдување на фактите.

Од Служба за односи со јавноста во Јавното обвинителство велат дека заминик министерот ќе биде повикан да даде исказ.

-Преку меѓународна правна помош од Република Албанија ќе биде побарано да се обезбеди оригиналот на објавената снимка, како и да се утврди кој го снимил и кој го објавил видеото. Дополнително, во Основното јавно обвинителство Струга ќе биде повикан да даде исказ и заменик министерот за здравство. Во текот на предистражната постапка, доколку се покаже дека е потребно, ќе бидат преземени и други дејствија со цел да се утврди евентуална кривична одговорност, информираат од Служба за односи со јавноста во Јавното обвинителство.

Заменик министерот за здравство денеска објави дека се повлекува од функцијата откако во медиумите беше објавена видео снимка на која се гледа како тој наводно прима пари од пациент од Албанија за хируршка интервенција.

– Нема да дозволам овие цели 23 години инвестиции во професионалноста и во фамилијарниот кредибилитет да биде нарушен на ваква намерна стапица, со лажни наслови кои не се реални како што може да се види и на самата видео-снимка, рече заменик-министерот за здравство.

 

 

 

Добивајте вести на Viber

15.10.2019 - 14:19

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега