Мисајловски: Оставки мора да има за објективна истрага

Од ВМРО-ДПМНЕ денеска повторно побараа одговорност од власта за немилиот настан што се случи во Тетово при што својот живот го загубија 14 лица. Потпретседателот на партијата Владо Мисајловски на денешната прес-конференција постави низа прашања до власта. 

„Одбивањето на оставки во Владата после еден таков трагичен настан како во Тетово само значи две работи: Оваа влада нема морал, и оваа влада не чувствува одговорност. ВМРО-ДПМНЕ не бара одговорност од владата поради политичка малициозност или затоа што има лични мотиви против Заев или Венко Филипче туку поради тоа што се неспособни, но и поради објективна истрага која мора да ја има. Тоа што премиерот Заев го штити министерот Филипче значи дека и Заев треба да си поднесе оставка поради негово активно учество во несмасниот обид да се одговорат прашањата кои ја мачат целата јавност“, изјави Мисајловски.

Мисајловски во своето обраќање постави 12 прашања до власта:

1. Кој е виновен што сме земја со највисока смртност во Европа од КОВИД?

2.Кој е виновен што нема нови протоколи за лечење од КОВИД?

3.Кој е виновен што нема персонал во болниците, и роднини одат да се грижат за пациентите?

4.Кој е виновен што немаше вакцини и сеуште не оди добро процесот на вакцинација?

5.Кој е виновен што народот нема доверба во системот и во вакцинирањето?

6.Кој е виновен што немало технички прием на модуларната во Тетово?

7.Кој е виновен што немало ПП апарати?

8.Кој е виновен што е направена со ПУР пена и никој не водел сметка дали истата е запалива?

9.Кој е виновен што не се дозна кој ги исекол цевките за довод на кислород во модуларната болница во Тетово на почетокот?

10.Кој е виновен што се плаќало по 1000 денари од роднини на пациенти на сестри, доктори болничари да водат грижа за пациентите, и дали е тоа нормално?

17.09.2021 - 12:25

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега